Ashk Shayari

Thehri thehri si zindagi kyon hai
Meri aankhon mein ye nami kyon hai
Jis ko aankho se door rakhna tha
Aaj qurbat mein phir vahi kyon hai

Dard-e-gham-e-firaq se aankhen hain ashk-bar kya
Rone se hogi mukhtasar zahmat-e-intezar kya
Zakhmon se chuur jo na ho seena-e-dagh-dar kya
Jis mein na ho hujum-e-gul kehiye use bahar kya

Ashk khunab ho chale hain
Gham ki rangat badal chali hai
Ya yun hi bujh rahi hain shamen
Ya shab-e-hijr tal chali hai

Samandar mein utarta hun to aankhen bheeg jati hain
Teri aankhon ko padhta hun to aankhen bheeg jati hain
Tumhara naam likhne ki izazat chin gayi jab se
Koi bhi lafz likhta hun to aankhen bheeg jati hain

Aaj tak daman na bheega tha bhigona pad gaya
Kis ne kis ka saath chhoda hai ki rona pad gaya

Shayad meri nazar mein ashkon ka qafila hai
Kuch saaf dikh na paaye sab kuch dhuan dhuan hai