Ashk Shayari

Hum rone pe aa jayein to dariya hi baha den
Shabnam kee tarah se humein rona nahi aata

Itne aansu to na the deeda-e-tar ke aage
Ab to paani hi bhara rehta hai ghar ke aage

Kitnon ko jigar ka zakhm seete dekha
Dekha jise khoon-e-dil hi peete dekha
Ab tak rote the marne walon ko aur ab
Hum ro diye jab kisi ko jeete dekha

Itne aansu to na the deeda-e-tar ke aage
Ab to paani hi bhara rehta hai ghar ke aage

Tar-damani pe shaikh hamari na jaiyo
Daman nichod den to farishte vazu karen

Kabhi khud par kabhi halaat pe rona aaya
Baat nikli to har ek baat pe rona aaya