aan shayari

Daman-e-gull mei
Daman-e-gull mein hi gulzaar bikhar jaate hain
Aag bujhti hai to angaar bikhar jaate hain
Shama jalti hai sada ek hi lamhe me lekin
Jal ke parwaane kayi baar bikhar jaate hain
Jin ko insaan pirota hai bahut ulfat se
Haaye woh gull sar-e-bazaar bikhar jaate hain
Paaon uthate hain tere koche ki jaanib jab bhi
Apni raahon me kayi khaar bikhar jaate hain
Raat ke pichle pehar kehoon-e-tamanna ki tarha
Hum teri yaad mein ay yaar bikhar jaate hain
Ho ga andaaz-e-wafa un ka alag hi 'mohsin'
Jin ki raahon mein talabgaar bikhar jaate hain

Guzre hue tavee
Guzre hue taveel zamane ke baad bhi
Dil mein raha woh chhod ke jaane ke baad bhi
Pehlu mein reh ke dil ne diya hai bahut fareb
Rakha hai us ko yaad bhulaane ke baad bhi
Qurbat ke baad or bhi qurbat ki talaash
Dil mutmain nahin hai tere aane ke baad bhi
Jo tu yahan nahin hai magar tu yahin pe hai
Tera hi zikar hai tere jaane ke baad bhi
Lagta hai kuch kaha hi nahi hai usey faraz
Dil ka tamaam haal sunane ke baad bhi

Sadmaa to hai mujhe bh
Sadmaa to hai mujhe bhi ki tujhse judaa hun main
Lekin yeh sochta hun ki ab tera kya hun main
Main khudkushi ke jurm ka karta hun aitraaf
Apne badan ki kabr mein, kab se garrhaa hun main
Kis kis ka naam laaun zubaan par ki tere saath
Har roz ek shaks naya dekhta hun
Kya jaane kis adaa se liya tune mera naam
Duniya samajh rahi hai, ki sab kuch tera hun main
Le mere tajrubon se sabak, aye mere raqeeb
Do-chaar saal umar mein, tujhse barra hun main
Jaaga huwa zameer woh aiyena hai 'qateel'
Sone se pehle roz, jise dekhta raha hun main

Ab na woh main na woh t
Ab na woh main na woh tu hai na woh maazi hai 'faraz'
Nasha badhta hai sharaabein jo sharaabon mein milein
Ye khazaane tujhe mumkin hai kharaabon mein milein
Kya ajab kal woh zamaane nisaabon mein milein
Ab ke hum bichhde to shaayad kabhi khwabon mein milein
Jaise do shakhs tamannaa ke saraabon mein milein
Tu khudaa hai na mera ishq farishton jaisa
Jis tarah sookhe hue phool kitaabon mein milein
Dhoondte ho logon mein wafaa ke moti
Gham-e-duniya bhi gham-e-yaar mein shaamil kar lo
Aaj hum dar pe khinchege jin baaton par
Dono insaan hain to kyun itne hijaabon mein milein

Dheere se sarakti hai raa
Dheere se sarakti hai raat uss ke aanchal kee tarah
Uska chehra nazar aata hai jheel mein kanwal kee tarah
Baad muddat usko dekha to jism-o-jaan ko yun laga
Pyaasi zameen pe jaise koi baras geya baadal kee tarah
Roz kehta hai seene pe sar rakh ke raat bhar jagauonga
Sar-e-sham hee mujhe aaj phir sula geya woh kal kee tarah
Mere hee dil ka makeen nikla woh shakhs 'wasi
Aur main shehar bhar mein dhundta raha use kisi pagal kee tarah

Mujh ko baigan
Mujh ko baigana kar gaye mere din
Mujh se ho kar guzar gaye mere din
Ab na koi din mere ghar jayega
Jaanae kis ke ghar gaye mere din
Ab nahi hain mere koi din raat
Ki mujh hee ko bisaar gaye mere din
Saari raatein gayin meri be-haal
Mere din be-asar gaye mere din
Khosha ab intezar hai na umeed
Yaar yaaran sudhar gaye ab din
Ab main bas reh gaya hun raaton mei
Mar gaye 'jon' mar gaye mere din