Bachapan ka zamana hota tha,
khushion ka khajana hota tha,
chahat chand ko pakadne ki hoti thi.
dil titli ka dewana hota tha,
thak har ke school se aana par khelne bhi jana hota tha,
papa ki dant galti par
mummy ka manana hota tha.
dadi ki kahani hoti thi
parion ka fasana hota tha,
rone ki wajah na hoti thi,
na hasane ka bahana hota tha.
har khel me sathi hote the ,
har mausam suhana hota tha.
ab nahi rahi woh jindagi ,
aisa bachapan ka zamana hota tha.