mera jahan shayari

Jahan weeraana ha
Jahan weeraana hai pahle kabhi aabad yaan ghar the
Shaghaal ab hai jahan baste, kabhi bashar yaan the
Jahan chatial hai maidan aur sarasar ek khaaristan
Kabhi yaan qasar-o-oaiwan the, chaman the aur shajar yaan the
Jahan phirte bagoole hain, unraate khak sahra mein
Kabhi urti thi daulat, raqas karte seembar yaan the
Jahan hain sang reze, the yahaan yaaqut ke taude
Jahan kankar pare hain ab, kabhi rulte gohar yaan the
Jahan sunsaan ab jungle hai aur hai sher-e-khamoshan
Kabhi kya kya the hangaame yahan, aur shor-o-shar yaan the
Jahan ab khak par hain naqash-e-paae-aahu-e-sahra
Kabhi mahw-e-tamasha deeda-e-ahl-enazar yaan the
Zafar ahwaal aalam ka kabhi kuchh hai, kabhi kuchh hai
Ke kya kya rang ab hain aur kya kya peshtar yaan the
Translation
Shaghaal = jackals, prowl and roa
Bashar = huma
Sher-e-khamoshan = desolate grav
Naqash-e-paae-aahu-e-sahra = pug prints of the desert dee
Mahw-e-tamasha deeda-e-ahl-enazar = wise, discerning fol

Jahan dariya kahi
Jahan dariya kahin apne kinare chhod dete hai
Koi uthta hai aur toofan ka rukh mod deta hai
Mujhe be-dast-o-paa kar ke bhi khauf us ka nahi jata
Kahin bhi haadsa guzre wo mujh se jod deta hai
Bichhad ke tujh se kuch jaana agar to is kadar jaana
Wo mitti hun jise dariya kinare chhod deta hai
Mohabbat mein zara si bewafai to zaruri hai
Wahi achha bhi lagta hai jo vaade tod deta hai

Jahan katre ko tarsaya geya hun
Wahin dooba hua paya geya hun
Ba-haal-e-gham-rahi paya geya hun
Haram se deir mein laya geya hun
Balaa kaafi na thi ek zindagi kee
Dobara yaad pharmaya geya hun
Ba-rang-e-lala-e-veerana bekaar
Khilaya aur murjhaya geya hun
Agarche abr-e-gauhar-baar hun main
Magar aankhon se barsaya geya hun
'hafeez' ahal-e-zubaan kab maante the
Bade zoron se manvaya geya hun

Jahan katre ko tarsaya geya hun
Wahin dooba hua paya geya hun
Ba-haal-e-gham-rahi paya geya hun
Haram se deir mein laya geya hun
Balaa kaafi na thi ek zindagi kee
Dobara yaad pharmaya geya hun
Ba-rang-e-lala-e-veerana bekaar
Khilaya aur murjhaya geya hun
Agarche abr-e-gauhar-baar hun main
Magar aankhon se barsaya geya hun
'hafeez' ahal-e-zubaan kab maante the
Bade zoron se manvaya geya hun!

Rahiye ab aisi jagha chal kar jahan koi na ho
Hum-sukhan koi na ho, aur hum-zubaan koi na ho
Parriye gar beemar to koi na ho teemar'daaar
Aur agar mar jaayiye to noha-khuwaa'n koi na ho
Translation
Teemar'daaar = caretake
Noha-khuwaa'n = recite

Kyun judta hai tu iss jahan se, ek din yeh guzar hi jayega
Chahe kitna bhi samet le jahan, mutthi se fisal hi jayega