andaaz shayari in hindi

Qurbaton men bhii judaai
Qurbaton men bhii judaaii ke zamaane maange
Dil vo be-mehar ki rone ke bahaane maange
Ham na hote to kisii aur ke charche hote
Khilqat-e-shahar to kahne ko fasaane maaange
Yahii dil thaa ki tarastaa thaa maraasim ke liye
Ab yahii tark-e-taalluq ke bahaane maange
Apnaa ye haal ki jii haar chuke, lut bhii chuke
Aur mohabbat vahii andaaz puraane maange
Zindagi ham tere daaghon se rahe sharminda
Aur too hai ki sadaa aaina-khaane maange
Dil kisii haal pe qaanay hi nahiin jaan-e-faraaz
Mil gaye tum bhii to kyaa aur na jaane maange
Translation
Qurbat = closenes
Khiqat = people, inhabitant
Maraasim = relation

Aik qatra malaal bh
Aik qatra malaal bhi boya nahin gaya
Woh khauf tha ke logon se roya nahin gaya
Yeh sach hai ke teri bhi neendein ujadd gayin
Tujh se bichad ke hum se bhi soya nahin gaya
Us raat tu bhi pehle sa apna nahin laga
Us raat khul ke mujhse bhi roya nahin gaya
Daman hai khushk, ankh bhi chup chaap hai bohat
Laddiiyon mein aansuyon ko piroya nahin gaya
Alfaaz talkh, baat ka andaaz sard hai
Pichlaa malaal aaj bhi goya nahin gaya
Ab bhi kahin kahin pe hai kalakh lagi huyi
Ranjish ka daagh theek se dhoya nahin gaya

Ek katra malal bh
Ek katra malal bhi boya nahi geya
Woh khauf ki logon se roya nahi geya
Yeh sach hai ki teri bhi neendein ujad gayi
Tujh se bichhad ke hum se bhi soya nahi gaya
Uss raat tu bhi pehle sa apna nahi laga
Uss raat khul ke mujhse bhi roya nahi geya
Daman hai khushk aankh bhi chupchap hai bahut
Ladiyon mein aansuon ko piroya nahi geya
Alfaz talkh, baat ka andaaz sard hai
Pichla malal aaj bhi goya nahi geya
Ab bhi kahin kahin pe kalikh lagi hui
Ranjish ka daag theek se dhoya nahi geya

Janazaa rok kar mera wo is andaaz se boley
Gali humne kahi thi tum to duniya hi chorey jaatey ho

Ghar ka darwaza is andaaz se khola usne
Ke jaise main nahi koi aur tha aane wala

Aa gaya hai farak uss ki nazaron mein yakeenan
Aab woh mujhe andaaz se nahi, andaaze se pehchante hai