Rone Se Aur Ishq Mein Rone Se Aur Ishq Mein Bebaak Ho Gaye

Rone se aur ishq mei
Rone se aur ishq mein bebaak ho gaye
Dhoey gaye hum aise, ke bas paak ho gaye
Sarf-e-bahaa-e-main hue, aalaat-e-maikashi
The yeh hi do hisaab, so yoon paak ho gaye
Ruswaa-e-dahar go hue aawaargi se tum
Baare tabeeaton ke tau chalaak ho gaye
Kahta hai kaun naala-e-bulbul ko be asar
Parde mein gul le laakh jigar chaak ho gaye
Poochhe hai kya wajood-o-adam ahl-e-shauq ka
Aap apni aag ke khas-o-khashaak ho gaye
Karne gaye the us se, taghaaful ka hum gila
Ki ek hi nigah, ke bas khaak ho gaye
Is rang se uthai kal us ne asad ki naash
Dushman bhi jisko dekh ke ghumnaak ho gaye