toote sapne shayari in hindi

Toote teri nigah se
Toote teri nigah se agar dil habaab ka
Paani bhi phir piein to maza hai sharaab ka
Dozakh mujhe qabool, ai, munkir-o-nakeer
Lekin nahin dimagh sawaal-o-jawab ka
Tha kis ke dil ko kashmkash-e-ishq ka dimagh
Yaarab bura ho deeda-e-khana-kharaab ka
Zahid sabhi hai neimat-e-haq jo hai aql-o-sharb
Lekin ajab maza hai sharaab-o-kabaab ka
Ghaafil ghazab se ho ke karam par na rakh nazar
Pur hai sharar-e-baraq se daaman sahaab ka
Qatra gira tha choo ke mere ashk-e-garam se
Darya mein hai hanzooz phaphola habaab ka
Sauda, nigah-e-deeda-e-tahqiq ke hazur
Jalwa har ek zarre mein hai aaftaab ka
Translation
Dozakh: suffer in hel
Munkir-o-nakeer: angels divin
Sharar-e-baraq: vernal cloud rain and fire combin

Raaste mein pattharon ki kami nahi hai;
Mann mein toote sapno ki kami nahi hai;
Chaahat hai unko apna banana ki magar;
Unke paas apno ki kami nahi hai

Toote hain sheesha dil haaye dil itne ke ehl-e-dard
Rakhte hain paaon khaak par sau baar dekh ka

Ek toote hue dil ki aawaaz mujhe kahiye
Sur jismein hai sab gum ke woh saaz mujhe kahiye
Main kaun hoon aur kyaa hoon kiske liye zindaa hoon
Main khud bhi nahi samjha woh raaz mujhe kahiye

Kabhi hum toote to kabhi khwaab toote
Na jane kitne tukdon mein armaan toote
Har tukda aaina hai zindgi ka
Har aaine ke saath lakhon jazbaat toote

Honthon kee hansi ko na samajh haqeeqat-e-zindagi
Dil mein utar ke dekh hum kitne toote hue hain