naye raste shayari

Naye kapde badal kar jaun kahan aur baal banaun kis ke liye
Woh shakhs to shehar hi chodd geya main bahar jaun kis ke liye
Muddat se koi aayaa na geya sunsaan padi hai ghar kee fazaa
In khali kamron mein 'nasir' ab shama jalaun kis ke liiye

Khwab ke tara
Khwab ke tarah bikhar jane ko jee chahata hai
Aisi tanhai ki mar jane ko jee chahata hai
Ghar ke vahshat se larazata hun magar jane kyon
Sham hoti hai to ghar jane ko jee chahata hai
Doob jaun toh koi mauj nishan tak na bataye
Aisi nadi mein utar jane ko jee chahata hai
Kabhi mil jaye to raste ke thakan jag pade
Aisi manzil se guzar jane ko jee chahata hai
Wohi paiman jo kabhi jee ko khush aaya tha bahut
Usi paiman se mukar jane ko jee chahata hai

Udaas shamei
Udaas shamein, ujaad rastey, kabhi bulayen to laut ana
Kisi ki ankhon mein ratjagon ke azaab ayen to laut ana
Abhi nayi wadiyon, naye manzron main reh lo magar meri jaan
Yeh saarey aik aik karke jab tum ko chod jayen to laut ana
Naye zamanon ko qurb orrhey, zayeef lamhey, niddhaal yadein
Tumharey khawbon ke band kamron mein laut ayen to laut ana
Agar andheron mein chod kar tum ko bhool jayen tumhare sathi
Aur apni khatir hi apne apne diye jalayen to laut ana
Meri woh batein to jin pe be'ikhtyaar hanstaa tha khil'khilaa kar
Bicharney wali meri woh batein kabhi rulaayein to laut ana

Jo bhi deewar hai raste
Jo bhi deewar hai raste mein giraa ke ro lein
Aao ik doojay ko seene se laga ke ro lein
Saamne tu hai to hum dil mein bhi ro sakte hain
Yu'n karein hum tujhe baaton mein laga kar ro lein
Tere aaney se yeh naraaz raha karte hain
Jee mein hai aaj har ik gham ko manaa kar ro lein

Raste kaa intikhaa
Raste kaa intikhaab zaroori sa ho geya
Ab ikhtitaam-e-baab zaroori sa ho geya
Hum chup rahe to aur bhi ilzam aayega
Ab kuch na kuch jawab zaroori sa ho geya
Hum taalte rahe ki ye naubat na aane paye
Phir hijr ka azaab zaroori sa ho geya
Har sham jald sone kee aadat hi pad gayi
Har raat ek khwab zaroori sa ho geya
Aahon se toottaa nahi ye gumbad-e-siyah
Aab sang-e-aaftaab zaroori sa ho geya
Dena hai imtihaan tumhare firaq ka
Ab sabr ka nisab zaroori sa ho geya

Raat apne khwab kee keemat ka andaza hua
Ye sitara neend kee tehzeeb se paida hua
Zehan kee zarakhez mitti se naye chehre uge;
Jo meri yaadon mein zinda hai saraseema hua
Meri aankhon mein anokhe zurm kee tazveez thi
Sirf dekha tha use us ka badan maila hua
Wo koi khushbu hai meri saans mein behti hui
Main koi aansu hun us kee rooh mein girta hua
Us ke milne aur bichad jane ka manzar ek hai
Kaun itne fansalon mein be-hijaab aisa hua