ishq shayari photos

Ghamzada nahi hot
Ghamzada nahi hota ke ishara nahi hota
Ankhun se jo milti hai to kya kya nahi hota
Jalwa na ho ma,nee ka to soorat ka asar kya
Bulbul gul - e- tasweer ka shaida nahi hota
Allah bachay marz -e- ishq se mujh ko
Suntay hain ke yeh aarza acha nahi hota
Tash beh tere chehre ko kya doon gul e tar se
Hota hai shugufta, magar itna nahi hota
Hum aah bhi kartay hain to ho jatay hain badnam
Woh qatal bhi kartay hain to charcha nahi hota

Lutf wo ishq mein paay
Lutf wo ishq mein paaye hain ki jee jaanta hai
Ranj bhi aise uthaaye hain ki jee jaanta hai
Jo zamaane ke sitam hain wo zamaana jaane
Tu ne dil itne sataaye hain ki jee jaanta hai
Muskurate hue woh mazmaa-e-agyaar ke saath
Aaj yun bazm mein aaye hain ki jee jaanta hai
Kaaba-o-dair mein pathra gayi dono aankhein
Aise jalwe nazar aaye hain ki jee jaanta hai
Dosti mein teri dar-pardah hamaare dushman
Is qadar apne paraaye hain ki jee jaanta hai
Daagh-e-waarafta ko ham aaj tere kooche se
Is tarah kheench ke laaye hain ki jee jaanta hai

Ishq ko taqleed se aazad kar
Dil se giraya aankh se fariyaad kar
Baaz aa ai banda-e-husn majaz
Yun na apni zindagi barbaad kar
Ai khayalon ke makeen nazron se door
Meri veeran khalvatein abaad kar
Naza mein hichki nahi aayi mujhe
Bhulne wale khudaa-raa yaad kar
Husn ko duniyaa kee aankhon se na dekh
Apni ik tarz-e-nazar izaad kar
Ishrat-e-duniya hai ik khwab-e-bahar
Kabaa-e-dil dard se abaad kar
Ab kahan 'ehsaan' duniya mein wafa
Tauba kar nadan khuda ko yaad kar

Kabhi yeh chup mein kabhi meri baat baat mein tha
Tumhara akss meri saari qayenaat mein tha
Hum ehl-e-ishq bahut bad-guhmaan hote hain
Isi tarah ka koi vasf teri jaat mein tha
Translation
Vasf = abilit

Kabhi yeh chup mein kabhi meri baat baat mein tha
Tumhara akss meri saari qayenaat mein tha
Hum ehl-e-ishq bahut bad-guhmaan hote hain
Isi tarah ka koi vasf teri jaat mein tha

Karna ho kisi ko ishq to yaaro seene mein basa lena
Agar kabhi toot jaye to sirf yaadon kee hi dawa lena