ek nazar shayari

Kal jinhe chhu nahin sakti thi farishton kee nazar
Aaj wo raunaq-e-bazar nazar aate hain

Meri nazar se na ho door ek pal ke liye
Tera wajood hai lazim meri ghazal ke liye
Kahan se dhoond ke laaun charag se wo badan
Taras gayi hain nigahein kanwal kanwal ke liye

Nahi jo dil mein jagah to nazar mein rehne do
Meri hayaat ko to apne asar me rehne do
Main apni soch ko teri gali me chhod aaya hun
Mere wazood ko khwabon ke ghar mein rehne do

Kis kis ko haaye tere taghaaful kaa de jawaab
Aksar to reh gaye hain jhuka kar nazar ko hum
Allaah re wo aalame rukhsat ki der tak
Taakte rahe hain yun hi teri rehguzar ko hum

Hum ne dekha tha faqat shaunk-e-nazar kee khatir
Yeh na socha tha ki tum yun dil mein utar jaoge

Sar-e-raah jo unse nazar mili to naqsh dil ke ubhar gaye
Hum nazar mila kar jhijhak gaye woh nazar jhuka kar chale gaye