chup chap shayari

Zamane walon se chu
Zamane walon se chup ke rone ke din nahin hain
Usey kehna yeh udaas hone ke din nahin hain
Main jaan sakti hoon vasl mein asal bhaid kya hai
Magar haqeeqat shanaas hone ke din nahin hain
Hamara khud se makaalma bhi naya naya hai
Kisi badamn ka libaas hone ke din nahin hain
Abhi to aankhon mein aansuyon ki nami hai baqi
Zameen-e-dil par pyaas bone ke din nahin hain
Translation
Makaalma = conversatio

Chup ke se usne jo khud-numai kee
Intiha thi ye dilrubi kee
Mail-e-ghamza hai wo chashm-e-siyaah
Ab nahi khair parsayi kee
Hum se kyonkar wo aastana chhute
Muddaton jis pe jabha-sai kee
Dil ne barson ba-justju-e-kamaal
Koocha-e-ishq mein gadaai kee
Daam se un ke chutna to kahan
Ya hawas bhi nahi rihai kee
Ho ke nadim wo baithe hain khamosh
Sulh mein shan hai ladai kee
Us taghaful-shiar se 'hasrat'
Hum mein taqat nahi judai kee

Chup ho kis wajah se, humein maloom nahi hai magar
Dil doob sa jata hai jab tum bakwas nahi karte

Zara chup chap to baitho ki dum aaram se nikle
Idhar hum hichki lete hain udhar tum rone lag jaate ho

Tu bhi chup hai main bhi chup hun yeh kaisi tanhayi hai
Tere saath teri yaad aayi kya tu sach-much aayi hai

Chup chap se rehte hain wo aksar
Zulfein bhi suna hai ki sanwara nahi karte
Din raat guzarte hain un ke be-chain se
To chain se hum bhi guzara nahi karte