Isse Pehle Ke Bewafa Ho Jayein

Isse pehle ke bewafa ho jayein
Kyon na aye dost hum juda ho jayein
Tu bhi heere se ban gaya patthar
Hum bhi kal kya se kya ho jayein
Hum bhi majbooriyon ka uzr karein
Aur kahin aur mubtala ho jayein
Ishq bhi khel hai naseebon ka
Khaak ho jayein keemiya ho jayein
Ab ke gar tu mile to hum tujhse
Aise liptein tera qaba ho jayein
Bandagi humne chhod di hai sanam
Kya karein jab log khuda ho jayein