Maine rab se kaha wo chhod ke chali gayi mujhe
Pata nahi uski kya majburi thi
Rab ne kaha isme uska koi kasur nahi
Ye kahani toh maine likhi hi adhuri thi

Katt hi gayi judayi bhi, kab yeh hua ki mar gaye
Tere bhi din guzar gaye, mere bhi din guzar gaye

Naye kapde badal kar jaun kahan aur baal banaun kis ke liye
Woh shakhs to shehar hi chodd geya main bahar jaun kis ke liye
Muddat se koi aayaa na geya sunsaan padi hai ghar kee fazaa
In khali kamron mein 'nasir' ab shama jalaun kis ke liiye

Rang-e-sharaab s
Rang-e-sharaab se meri neeat badal gai
Waaiz ki baaten rah gaien, saqi ki chal gai
Tayyaar the namaaz pe hum, sun ke zikr-e-hur
Jalwa buton ka dekh ke neeat badal gai
Machhli ne dhil paai hai, luqme pe shaad hai
Sayyad mutmain hai keh kaanta nigal gai
Chamka tira jamaal jo mahfal mein waqt-e-shaam
Parwana be-qaraar hua, shama jal gai
Uqwa ki baaz purs ka jaata rha khayaal
Duniya ki lazzaton mein tabiat bahl gai
Hasrat bahut taraqqi-e-dukhtar ki thi unhen
Purdah jo uth gaya, tau woh aakhir nikal gai
Translation
Luqme pe shaad = morsel swee

Taskeen na ho jis s
Taskeen na ho jis se wo raaz badal dalo
Jo raaz na rakh paye hamraaz badal dalo
Tum ne bhi suni hogi bari aam kahawat hai
Anjam ka jo ho khatra aghaz badal dalo
Pur-soz dilon ko jo muskan na de paye
Sur hi na mile jis mein wo saaz badal dalo
Dushman ke iradon ko hai zahir agar karna
Tum khel wohi khelo andaz badal dalo
Ay dost karo himmat kuch door savera hai
Agar chahte ho manzil to parwaaz badal dalo

Saanson ki hararat s
Saanson ki hararat se pighal jaanay ka mausam
Aaya hai teri aanch mein jal jaanay ka mausam
Ham ko nahi maloom tha ishq ka aaghaaz
Yaadon mein kahin door nikal jaanay ka mausam
Lagta hai ki chehre pe tere theher gaya hai
Yak lakht kayi rang badal jaanay ka mausam
Aey sheher tasalli tere mashkoor hain ham
Aaya hee nahi dil ke sambhal jaanay ka mausam
Ye sheher-e-tamanna bhi anokha hai ki is par
Barsaat mein bhi rehta hai thal jaanay ka mausam
Chehre pe agar hai mere subaah ka ujaala
Aankhon mein magar shaam ke dhal jaanay ka mausam